Te Kapa Haka o Ruatahuna Kakahu Mauku - Ruatahuna Paku Kore
Kua rere ngā mahi haka ki roto i te mārua o Ruatāhuna, kātahi ano kia mutu te wiki noho wānanga o te rōpū haka, tērā i whakaritea ki Mātaatua Marae (Te Whai a te motu). E whakarite ana te kapa i a rātou mo te whakataetae a rohe o Mātaatua ka tū ki roto o Omaiō, Te Whanau a Apanui a te 25 o Hui Tangarū 2012. E rua ngā rōpū kei te haere mai Ruatāhuna ki raro i te maru kotahi. Ko te rōpū haka o Ruatāhuna Kākahu Mauku me ngā “Korosins”. Kua timata mai ngā parakitihi o ngā “Korosins” ā he rōpū tēnei e wātea ana ki te katoa. Kua whakatauhia te kōrero ka noho a Ruatāhuna ki Maungaroa Marae, Ko Te Whanau a Kaiaio, Te Kaha. I roto i ngā marama ki muri i kōkirihia e te kapa ētahi wānanga kia tirohia te ahuatanga o te wairua ki roto i kapa ka whakawhirinaki ki ngā whanau, hapū, Marae otira te iwi. He huarahi nui kei mua i a tātau katoa, te kapa, marua, nga whanau, hapu me nga Marae engari ko te whainga matua kia whakatō i te kākano o tēnei ahua te Tūhoetanga ki roto i o tātau tamariki, mokopuna me ngā whanau. Kia eke ngā mahi haka ki runga. HO!
Page last updated 27 Jan 2012
